Íslandsbanki heldur út aðgengilegum upplýsingavef um fjármál og réttindi einstaklinga við og eftir starfslok. Mikilvægt er kynna sér málin vel áður en ákvarðanir eru teknar um hvenær útgreiðslur úr lífeyrissjóðum skuli hefjast; hvenær óska eigi eftir greiðslum frá Tryggingastofnun ríkisins; hverjar eru skerðingar fjármagnstekna á greiðslu til ellilífeyrisþega og maka frá Tryggingastofnun; hver eru áhrif útgreiðslu séreignarsparnaðar á skattbyrði viðkomandi og svo framvegis. Svörin við þessum spurningum er einstaklingsbundin þar sem aðstæður hvers og eins eru einstakar.
Á upplýsingavef Íslandsbanka eru ítarlega svör við þessum spurningum auk þess sem þar er að finna myndbönd þar sem farið er yfir alla þessa þætti. Þó er ávallt minnt á að mikilvægt er að leita upplýsinga og ráðgjafar hjá viðkomandi lífeyrissjóði og séreignasjóði áður en ákvarðanir um úttektir eru teknar.