Sjálfstæði. Memaxi er skipulags- og samskiptakerfi með innbyggðum myndsamtölum sem á að hjálpa m.a. ástvinum þínum, að lifa sjálfstæðu lífi. Á vefsíðu þess er sagt að það auðveldi notendum að skipta með sér verkefnum og deila ábyrgð. Þar eru sagðar sögur m.a. af sjúklingi með Alzheimers sjúkdóminn þar sem Memaxi auðveldar samskipti milli sjúklings og dóttur og sögu af dóttur sem býr fjarri móður sinni þar sem kerfið auðveldar einnig samskiptin. Memaxi er búið til af fólki með langa reynslu af umönnun heilabilaðra og langveikra aðstandenda.